Posts

Showing posts from 2011

Pera pera muna!

Image
Data entry workers required urgently. No upfront fees required.   Earn $4000.00USD per month from home No marketing / No MLM . We are offering a rare Job opportunity where you can earn from home using your computer and the Internet part-time or full-time. Qualifications required are Typing on the Computer only. Working part time for 2-5 hours daily can easily fetch you $4000.00USD per month . Online jobs, Part time jobs. Work at home jobs. Dedicated workers make much more as the earning potential is unlimited. No previous experience is required, Full training provided. Anyone can apply.  Please Visit: HERE! . 

Love of my Life 10

Kinagabihan. Pagkauwi ni Lawrence sa bahay ay nagtataka ito kung bakit may kaunting handaan sa kanilang bahay. Nakita nya kung gaano nag-ayos si Erica at Lucy. " May okasyon ba?", tanong nito. " Oo, mahalaga ang okasyon na ito at mahahalaga ang ating mga bisita", sagot ni Lucy. " Bakit hindi nyo agad sinabi nang maaga sana ako nakauwi. Mag-aayos lang muna ako. Teka, sino bang magiging bisita natin?" " Basta. Sige na, mag-ayos ka na" Pumanhik na lamang si Lawrence at nag-ayos. Ilang sandali lamang ay tumunog ang doorbell nina Erica. " Magandang gabi po", bati ni Ryan sa ina ni Erica. Agad namang lumapit si Erica sa kasintahan at niyakap ito. " Miss na miss kita", ani Erica. Nakita ni Lucy kung gaano kasaya ang pinakamamahal nyang anak. " Tama na yan. Pumasok na muna kayo dito't kumain na muna tayo." ani Lucy. " Magandang gabi", bati ni Joseph. Ilang sandali lamang ay bumaba na si La

Love of my Life 9

Nabigla si Lucy sa narinig. Hindi nya alam kung ano ang magiging reaksyon nya. Mangiyak ngiyak sya noong sinabi nyang," makakaalis ka na" " Mom", tinangkang pigilan ni Erica ang kasintahan sa pag alis. Ngunit niyakap na lamang sya nito at ang sabi'y," bigyan na muna natin ng panahong makapag isip ang mommy mo. Hindi madali ang ating sitwasyon. Basta tatandaan mo na lamang na mahal na mahal kita. At ikaw ang muling bumuhay sa minsan nang patay kong puso". Pagkasabi'y umalis na si Ryan. Napaiyak si Erica. " Mom, akala ko ba gusto mo sya para sa akin? Bakit nyo po sya pinalayas?" Hindi lamang sumagot si Lucy. Ang tanging tugon nito ay ang mga luhang unti-unting tumutulo sa kanyang mga mata. " Go to your room Erica. At hinding-hindi ka na makikipagkita sa lalaking iyon", ani Lawrence. " You both are so unfair! Hindi namin kasalanan ang mga nangyari noon. Hindi kami ang dapat ninyong parusahan ng ganito! Hindi kami!&

Love of my Life 8

Pagkatapos ng madamdaming pag-uusap nila ng kanyang ama ay inisip ni Ryan ang magandang hakbang upang mapalapit sa mga magulang ni Erica. Iniisip niya kung papaano kaya sya matatanggap ng mga magulang ni Erica gayong anak sya ng taong malaki ang pagkakasala sa kanilang pamilya. Ngunit isa lamang ang alam nya. Mahal nya si Erica at ipagalaban nya ito. Ilang araw ang lumipas ay hindi pa rin nagpaparamdam si Ryan sa dalaga. Kaya't nilalason ng kanyang ama ang kanyang isip. " Tigilan mo na ang pagchecheck ng cellphone mo. Hindi na tatawag 'yon. Hindi ka naman talaga nya mahal,eh. Tingnan mo ngayon, hindi man lang sya nagpakita sa'yo sa panahong kailangan mo sya" Napaluha si Erica. " 'Wag mo nang sayangin ang luha mo sa isang walang kwentang lalaki. Ginamit ka lamang nya. Nagmana kasi sya sa kanyang ina, manggagamit" Napaisip si Erica. Ginagamit nga lang kaya sya ng kasintahan? Hindi nya naman ito masyadong nakikila ng lubusan pero ang alam nya

Love of my Life 7

Sabay na dumalaw sina Ryan at Erica ang mga magulang ng dalaga. " Magandang hapon po dad", nagmano si Erica sa ama. Nakatitig si Lawrence kay Ryan. " Anak, hayaan mo muna kaming makapag-usap ni Ryan " Napatingin si Erica kay Ryan. " Bakit po dad? May problema ba?" " May sasabihin lang ako sa kanya. Sandali lang ito" " Hindi. Ayokong kausapin mo sya na wala ako. Gusto kong marinig lahat ng sasabihin mo " Hindi inakala ni Lawrence na masasabi iyon ng kanyang anak. Hindi man ganoon kabait si Erica ay hindi rin naman ito sumusuway sa kanya. " Kailan mo pa natutunan 'yan, ha? Iyan ba ang natutunan mo sa lalaking ito?" itinuro pa ni Lawrence ang binata. " Erica, sundin mo na lang ang daddy mo para walang gulo. Puntahan mo na muna ang iyong ina", ani Ryan. " Ayoko. Sinabi ko na sa'yong ipaglalaban kita kahit kanino....Dad, kung tungkol ito sa inyo ni Tita Mitch, labas na kami doon" Hi

Love of my Life 6

Nagkasundo na sina Mitch at Erica na pansamantalang babantayan ng ginang ang ama't ina ng dalaga. Ngunit ano kaya ang magiging reaksyon nilang pareho kapag nagkita na sila? Umuwi na si Erica sa kanila. Si Mitch naman ay naghahanda na ng mga dadalhin kinabukasan sa ospital. Bumili din sya ng mga prutas para dalhin sa mga ito. Kinabukasan. Nakaalis na si Ryan upang pumatungo sa skwelahan. Bagama't maaga pa'y lumakad na sya dahil alam nyang traffic sa Buendia kapag naabutan sya ng 7 am. Si Mitch naman ay dala-dala na ang mga prutas na ibibigay sa mga magulang ni Erica. Lumakad na sya patungong Makati Med. Iniisip ni Mitch kung ano kaya ang magiging reaksyon ng mga magulang ni Erica kapag nakita sya at nalamang sya ang ina ng kasintahan ng dalaga. Iniisip nya kung magiging magkasundo kaya sila o baka maliitin lang sya ng mga ito. Pero dahil mabait ang pagkakakilala nya kay Erica, malamang ay mababait din ang mga magulang nito. Nasa lobby na ng ospital si Mitch. Namangha s

King Cobra

Image
Malupit. Mabangis. Ganyan ang aking paglalarawan sa'yo pumapatay ka ng walang puso Katok, katok. Tumutunog ang pintuan. Natatakot ako baka ikaw na naman 'yan. Nakakatakot. May nabiktima ka na naman Sa kabilang baryo ng aming bayan " Anak!" Tawag ng aking ama. Binuksan ko ang pinto't nakita ka. Nanlamig. Walang kibo. Sa aking kinatatayuan ako'y napako. Kawaawa ang aking ama. Tinuklaw mo sya. Ako'y humingi ng tulong At sama-sama ka naming pinatay. Sana wala nang katulad mo. Sana wala nang mamatay. Nagluluksa. Kami na naman ay nagluluksa, Pumanaw ang aking ama. Pinatay mo sya! King Cobra!

Love of my Life 5

Kinuha ni Lawrence kay Erica ang larawan ni Mitch. " Lalakad na ako anak. Akin na yang picture ni Mitch" " Ipapakita ko po kay Mommy" " 'Wag na!" bigla nitong sigaw. Nagtaka si Erica. " Bakit parang balisa ka Dad? Bakit ayaw mong ipakita kay mommy ang larawan ni Tita Mitch?" " 'Wag mo na lang banggitin sa mommy mo ito,ha" " Bakit nga dad?" " Baby, alalahanin mong mag butas sa puso ang mommy mo. Minsan na syang muntikan nang mawala sa atin. Minsan na syang nagkaroon ng taning sa buhay. Ayokong ito pa ang dahilan upang matuluyan sya. Akin na" Mag pagaalangan man ay ibinigay ni Erica ang larawan. Subalit takang-taka talaga sya sa sinabi ng ama. Totoong muntik nang mamatay si Lucy. Dati pa ma'y tinaningan na ng doktor ang kanyang buhay. Inakala ng lahat na mamamatay si Lucy labing limang taon na ang nakaraan. Ngunit may milagrong nagsalba sa kanyang buhay. Naging deboto na si Lucy ng Black Naz

Love of my Life 4

Pagkatapos ng hearing ay naging magkasundo na sina Ginang Dela Cruz at Erica. Ngunit ayaw na ni Erica na bumalik pa sa klase ni Ginang Dela Cruz dahil mas gusto nyang malapit lang kay Ryan ang kanilang silid kaya patuloy pa rin syang papasok sa klase ni Miss Smithson. " Mabuti't napatawad mo si Ginang Dela Cruz", ani Ryan. " Naiintindihan ko kasi sya Ryan. Alam ko kung ano ang pakiramdam ng magmahal". " I'm glad. May pagbabago ka na Erica", ani Ginoong Miranda nang sumabay papalabas ng opisina nya. " Tama ka Rafael. Marami na ngang pagbabago sa anak ko. And I'm proud." pagsang-ayon ni Lucy. Breaktime. Hinintay ni Ryan si Erica sa labas ng silid aralan nito. " Ryan!" tawag ni Erica. " Hi Erica! Hi Clarrice!" " Are you waiting for me?" excited si Erica. " Yeah, I was hoping that we could eat together". anyaya ni Ryan. " Sure!" sabay lingon kay Clarrice. " Alone

Love of my Life 3

Natapos na ang gabi. Ito na ang pinakamahalaga at pinakamasayang bagay na nangyari kay Erica. Sa wakas ay natagpuan nya na ang tunay na pag-ibig. Hanggang sa bahay ay panay ngiti si Erica. Nabago na ang dating supladang dalaga. Parati na lamang nakatutok si Erica sa kanyang cellphone. Naghihintay na naman sya sa tawag ni Ryan. Nangako kasi itong tatawag ulit dahil yayayain ang dalagang kumain sa labas. Ito ang magiging unang date nila. " Ring...ring...ring!!!"   sa wakas ay tumunog na ang cellphone ni Erica. " Hello", agad nya itong sinagot. " Erica, si Ryan 'to" " Ryan. Tuloy ba tayo mamaya?" " Tumawag nga ako para sabihing hindi tayo matutuloy sa ating pupuntahan. May importante kasi akong sasadyain mamaya, eh" Nang marinig ito'y nanlumo si Erica. Malungkot man sya'y kailangan nyang tanggapin. Baka naman kasi ganoon kaimportante ang pupuntahan ni Ryan kaya't hindi na sila matutuloy sa kanilang dinner date. " OK la

Sulat

R odrigo mahal ko, ako ay pakinggan. Ang ating mga pangako, 'wag mong kalilimutan Tayo ay mananatili pa ring nagmamahalan Kahit tayo'y magkalayo, ito pa rin ay aasahan. I rog kong Conchita ako sana'y patawarin Kung aking nasasaktan ang puso mo't damdamin Ika'y minamahal ito lagi'y iisipin. Ang makasama ka ang tangi kong dalangin. C onchita mahal ko pakakatandaan lang Hindi na magmamaliw ang aking pagmamahal Ilang taon man at bagyo ang dumaan Pag-ibig ko'y sa'yo lang wag mong kalilimutan. H irap man ako dito sa ibang bansa Larawan mo lang ang nagbibigay sigla Nais na kitang muli kong makasama Nais kong malaman mong minamahal kita. A yaw ko man ay walang magagawa Kailangang lumayo upang buhayin ka Alam kong nahihirapan ka aking sinta Ngunit sandali na lama't muling magkakasama. R odrigo kong mahal ako'y maghihintay Kahit umabot pa sa kabilang buhay Nais ko ngayon ay mahawakan ang 'yong kamay At makasama ka sa'yon

Love of my Life 2

Papalapit na ang Valentine's ball. Sobrang naeexcite na ang lahat. Kanya kanya nang pili ng makakapareha. Ito ang pinakakaabangan nilang event ng taon. Lahat ng kaibigan ni Erica ay may Kapareha na maliban na lamang sa kanya. Sapagkat wala syang ibang gustong makapareha kundi si Ryan. Dalawang araw na lang mula ngayon ay malalaman na nya ang iniibig ng binata. Sa paaralan. Muling nagkasama ang magkakaibigan. Pinag-uusapan nila ang magiging date nila ngayong Valentine's ball. " Sino bang makakadate mo Ronna?", tanong ni Melanie. " Si Rex. 'Yong medyo pogi din sa 4th year" " Ikaw naman Clarrice?" tanong ulit ng dalaga. " Si Sam ang magiging kadate ko. Gusto ko sana si Ryan kaya lang hindi naman nya ako niyayaya. Baka kasi hindi ako 'yong babaeng iniibig nya. Sabi nya kasi sa amin ang magiging kadate nya ngayong valendtine's ball ay ang babaeng kanyang minamahal". " Ah, ganon ba? Eh, ikaw Erica? May kadate ka na ba? Sino ba

My Songs, My Life 1

" Pakisabi Na Lang " " Narinig mo na ba ang balita?" ito ang pambungad na tanong ni Cristine kay Kris sa pagpasok nila sa skwela. " Ano naman?", si Kris. " May nakatirang gwapong guy kina Mariver. Parati nga kaming nandon para dalawin sya. Matagal tagal na rin sya dyan. Hindi mo ba sya napapansin?" usisa ulit ni Cristine. " Hay, naku! Baka kung ano na namang hitsura ng gwapo nyong yan, ha.", ani Kris. " Itanong mo kay Marjorie. Hindi ba Marjorie gwapo si Philip" " Ah, oo", ani Marjorie. " Ewan ko na lang. Kailangan ko munang makita iyang ipinagmamalaki nyo. Kasi iba ang taste ko sa taste nyo. Baka kung pangit para sa akin yang gwapo nyo." Ito ang pinag-uusapan ng tatlong magkaklase. Usap-usapan na kasi sa kanilang lugar ang pagdating ng isang hearthrob na pinagkakaguluhan sa kalye ng mga dalaga't dalagita. Nasa ikalawang taon pa lamang sa Mataas na Paaralan ng Carmen sina Kris, Cris

Ikalawang Lalaki

Mahal nya ako't mahal ko rin sya Malalim na ang pagsasama naming dalawa Mahirap paghiwalayin kahit ng tadhana Unos sa aming pag-ibig ay balewala. Ngunit nang dumating ang isa pang lalaki Ang aking pag-ibig sa asawa ko'y napawi Mahal ko man sya'y mas matimbang ang isa Matinding pagmamahal ang sa ngayo'y nadarama. Hindi ko alam kung paano sasabihin Itong tinatago kong damdamin Alam kong magdaramdam ang aking asawa Sapagkat ngayo'y may mahal na akong iba. Ngunit hindi ko mapigil ang aking damdamin 'Pag nakikita ko sya at sya'y naglalambing Namimiss ko sya kapag ako'y napalayo 'Pag sya'y nagtatampo, agad ko syang sinusuyo. Pero sa tingin ko dapat malaman ng aking asawa Itong damdamin ko sa isa pa. Hindi naman mali ang mahalin aming anak. Tiyak ko asawa ko ri'y magagalak.

Call Center

Hindi madali ang aking trabaho Araw-araw kausap ko'y mga kano. Paminsan minsan ay di nagkakaintindihan Pa'no kasi, ayaw akong pakinggan. Minsan sinasabi nilang ako'y mali Nais nila tama sila parati. Ayaw nilang sila'y napapahiya. Ang mga kano minsan ay isip bata. Ang ibang tao ay sinasabi. Ang trabaho ko ay madali. May kausap lang sa telepono. At parati lamang nakaupo. Hindi ganoon mga kababayan Minsan kami ri'y nahihirapan. Nireresolba ang problema ng kano At ang wikang Ingles, aba'y di biro. Akala ng iba'y malaki ang aming sahod Ito'y dahil kami ay labis na kumakayod Bagama't nakaupo, utak nami'y tumatakbo Kaya hindi madali itong aming trabaho. Sa Call Center, iba-iba ang uri ng tao Mayama't mahirap, lahat magkasundo Dito ka makakahanap ng maraming kaibigan Na hindi alintana kung ano ang 'yong pinagmulan. Masarap at mahirap ang buhay sa Call Center Araw-araw ang kaharap mo'y computer. Ang kausap sa t